Ақмола облысында қайғылы жағдай болды
Оқиға орнына ТЖД жеке құрамы шақырылды
![](https://halyq-uni.kz/cache/imagine/1200/uploads/news/2022/05/31/62951eaad7a62875778757.jpeg)
Ақмола облысында суға батқан екі адамның мәйіті табылды. Қайғылы жағдай Есіл және Бұланды аудандары аумағындағы су қоймаларында болған.
Бұл туралы облыстық Төтенше жағдайлар департаменті баспасөз қызметі хабарлады.
«Мамырдың 28-інде сағат 15:00 шамасында Есіл ауданындағы Жаныспай ауылынан 250 метр қашықтықтағы Жаныспай өзенінен, 63 жастағы ер адамның денесі табылды. Оны куәгерлер көріп, судан алып шықты. Оқиға орнына ТЖД жеке құрамынан 2 адам және 1 арнайы техника, аудандық ПБ жеке құрамынан 8 адам және 2 техника шақырылды. Қазіргі кезде ер адамның өліміне қатысты сот-медициналық сараптама тағайындалды», - деді ведомстводан.
Сонымен бірге, 29 мамыр күні сағат 11:30 Бұланды ауданының Боярка ауылы маңындағы Қарағай кентінде 32 жастағы ер адамның денесін сүңгуірлер судан алып шықты.
Куәгерлердің сөзінше, ол 28 мамыр күні сағат 15:00 шамасында қайықтан құлап, тоғанның суына батып кеткен.