Рудный қаласының 4 көшесінде электр жарығы өшіп қалды
Рудныйдың орталық қосалқы стансадан қуат алатын кабелі зақымданған.
Фото: Tengrinews.kz/Ардақ Құлтаев
Қостанай облысының Рудный қаласында электр қуаты ішінара сөніп қалды, деп хабарлады қала әкімдігі.
Қалалық әкімдіктің хабарлауынша, Рудныйдың орталық қосалқы стансадан қуат алатын кабелі зақымданған.
Осыған байланысты қаланың 4 көшесінде электр жарығы өшіп қалған.
«Ақау табылды, оны «Аттика» ЖШС мамандары жөндеп жатыр. Жағдай Рудный қаласы әкімдігінің бақылауында», делінген хабарламада.
