Қазақстан Қырғыз Республикасына 1 мың тонна дизель отынын жөнелтті
Отынның екінші партиясы Ыстықкөл облысындағы Балықшы станциясына жөнелтілді
![](https://halyq-uni.kz/cache/imagine/1200/uploads/news/2024/03/05/65e6d75a986a3063459435.jpeg)
Қырғыз Республикасына Қазақстанның гуманитарлық жүгі тапсырылды, деп хабарлады Halyq Uni тілшісі.
Бүгін Мемлекеттік материалдық резервтен тиелген 1 мың тонна дизель отыны ресми түрде Қырғыз Республикасына жіберілді. Гуманитарлық көмек президент Қасым-Жомарт Тоқаевтың тапсырмасына сәйкес, сондай-ақ KazAID Қазақстандық халықаралық даму агенттігінің қолдауымен көрсетілді. 1 мың тонна дизель отынының екінші партиясы Ыстықкөл облысындағы Балықшы станциясына жөнелтілді.
Тапсыру Қазақстанның Қырғызстандағы елшісі Рәпіл Жошыбаев пен Қырғыз Республикасының Энергетика министрі Таалайбек Ибраевтың қатысуымен іске асырылды.