Украина Қорғаныс министрі Алексей Резников АҚШ-тың жаңа 155-мм САУ гаубицалары мен Harpoon ракеталары келіп жеткенін мәлімдеді.

Бұл туралы golosameriki.com хабарлады.

Министр М 109 өздігінен жүретін артиллериялық қондырғыларының да жеткізілгенін, қазір олардың бәрі майданда табысты пайдаланыла бастағанын айтты.

Оның айтуынша, 155-мм артиллериясының М777 гаубицасы, FH70 гаубицасы, САУ CAESAR деген үш түрі келген.

Алексей Резников артиллерияның бұл үш түрі де майданның алдыңғы шебінде табысты пайдаланылып жатқанын атап өтті.

Наурыз айында мұның бәрі бізге ертегі сияқты болып көрініп еді. Міне, қазір ол кәдімгі шындыққа айналды, – деді ол.

Соңғы келіп жеткен қару-жарақтар қатарында америкалық 100 дана БПЛА-сы (ұшқышсыз ұшақ) да бар.