OSG Baden-Baden командасы 12 рет чемпион атанып отыр
Бундеслигада (Германия) OSG Baden-Baden әйелдер клубында өнер көрсеткен халықаралық гроссмейстер, Алматы шахмат федерациясының президенті Жансая Әбдімәлік өз командасының жеңіске жеткенін мәлімдеді. Бұл туралы ол Instagram-дағы парақшасында жариялады.
Достар, Бундеслигада әйелдер арасындағы өзім өнер көрсететін OSG Baden-Baden командасы мерзімінен бұрын жеңіске жетті. Тоғызыншы турда біз SK Schwäbisch Hall командасына қарсы ойнап жеңімпаз атандық! Біз 2½:3½ есебімен жеңіске жеттік, – деп жазды Жансая Әбдімәлік.
Бұған қоса шахматшы OSG Baden-Baden командасы соңғы рет 2018 жылы лига чемпионы атанғанын, сонымен клуб рекордты түрде барлығы 12 рет чемпион атанып отырғанын мәлімдеді.
Айта кетсек, Бундеслига — Австрия мен Германияда бірқатар спорт түрінен өтетін чемпионаттардың жоғарғы дивизиондық атауы.