«Месси!»: Ойыннан шеттетілген Роналду айыппұл төлейтін болды (ВИДЕО)
Ол бұған дейін де қарсылас команданың шарфын лақтырып жіберген болатын
фото: readfootball.com
«Әл-Наср» футбол клубының ойыншысы Криштиану Роналду Сауд Арабия чемпионатындағы оғаш қылығы үшін жазаланбақ.
Ол саудиялық Про-лиганың 21-туры аясында «Әл-Шабабқа» қарсы өткен ойында (3:2) «Месси!» деп айғайлаған жанкүйерлерге оғаш қылық көрсеткен еді.
Al Riyadhiah басылымының жазуынша, тәртіп комитеті португалиялық футболшыны спорттық емес мінез-құлқы үшін екі матчтан шеттетіп, ақшалай айыппұл салуды жоспарлап отыр.
Еске сала кетсек, бұған дейін де қарсылас команданың шарфын лақтырып жіберген Роналдудың әрекеті желіде қызу талқыланған болатын.
