Нүкенованың өлімі: марқұмның інісі қылмыс болған сәттен видео жариялады
Айтбек Амангелді бұны Қуандық Бишімбаев әйелін өлтіргенін мойындамады, оны сүйген деген адвокатының мәлімдемесіне орай жариялады
![](https://halyq-uni.kz/cache/imagine/1200/uploads/news/2024/02/22/65d76afc97493324824945.jpg)
Бұрынғы Экономика және бюджеттік жоспарлау министрі Қуандық Бишімбаевтың әйелі, марқұм Салтанат Нүкенованың інісі бүгін әлеуметтік желідегі парақшасына қылмыс болған сәттен видео жариялады.
Онда экс-министрдің келіншегін ұрып құлатқанын көруге болады.
Адвокаттар оны ұрмады деп отыр. Бірақ бізде әртүрлі бұрыштардан, дененің әр жеріне қайта-қайта соққы жасаған және тепкілеген сәті түсірілген видео бар. Медициналық сараптама қорытындысы (бейнедегі скриншоттар) бар, онда сарапшылар тек басынан кем дегенде 13 соққы алған деген қорытынды жасаған, - деп жазды Айтбек Амангелді.
Ол бұны Қуандық Бишімбаев әйелін өлтіргенін мойындамады, оны сүйген деген адвокатының мәлімдемесіне орай жариялап отыр.