Екі облыста жолдар жабылды
Автожолдарды қысқы күтіп-ұстауға 535 техника және 1 287 жолшы жұмылдырылды.
Фото: Halyq Uni
Бүгін сағат 10:00-дегі жағдай бойынша ауа райының қолайсыздығына байланысты 2 облыста республикалық маңызы бар 2 автожолда көлік қозғалысына шектеу енгізілді, деп хабарлады Halyq Uni тілшісі.
Қостанай облысында жалпы ұзындығы 83 шақырым болатын 1 автожол:
- «Жезқазған-Петропавл» – Ұлытау облысының шекарасы-Арқалық қаласы.
Ұлытау облысында жалпы ұзындығы 115 шақырым болатын 1 автожол:
- «Жезқазған-Петропавл» – Ұлытау кенті-Қостанай облысының шекарасы.
Қазір республикалық маңызы бар автожолдарды қысқы күтіп-ұстауға 535 техника және 1 мың 287 жолшы жұмылдырылды.
