Ұзақ жолға шығар алдында ауа райының қолайсыздығын ескерген маңызды
«Қазавтожол» Қазақстандағы облыстық және республикалық маңызы бар жолдардағы ауа райы көрсетілген картаны шығарды.
Ведомство мәліметінше, Абай, Шығыс Қазақстан, Қарағанды, Атырау облыстарында қатты аяз -35-38 градус, жел 15-20 м/с-ке дейін сақталады.
Түркістан облысында қар жауады.
Қызылорда және Жетісу облыстарында жел 25-28 м/с-ке дейін жетеді.
Алматы облысында аяз -25 градусқа дейін болжанады.
Құрметті республикалық маңызы бар автожолдарды пайдаланушылар! Қауіпсіздік мақсатында жол жүру ережесін қатаң сақтап, ұзақ жолға шығар алдында ауа райының қолайсыздығын ескерулеріңізді сұраймыз, - деп хабарлады жолдардың ұлттық операторы.