Бір ай бұрын жоғалған балықшының денесі табылды
Екінші адамды іздестіру жалғасып жатыр
Фото: Жамбыл обл. ТЖД баспасөз қызметі
Жамбыл облысында жоғалған балықшылардың бірінің денесі табылды, деп хабарлады Halyq Uni тілшісі.
Облыстық ТЖД баспасөз қызметінің мәліметінше, 10 ақпанда дронның көмегімен қамыстардың арасынан жоғалған адамдардың бірінің мәйіті табылып, жағаға шығарылған. Екінші адамды іздестіру жалғасып жатыр.
Билікөл көлінде Жамбыл облысының ТЖД құтқарушылары Қарабастау ауылының тұрғындарын іздеуді қайта бастады.
Құтқарушылар әуесқой балықшыларды 10 күн бойы іздеген еді. Кейін 21 қаңтарда ауа райына байланысты іздестіру тоқтатылған болатын.
