Ұлттық құрама матчтардың қиын болатынына қарамастан әрбір ойынды жеңу үшін алаңға шығады
УЕФА Ұлттар лигасының 2024/25 маусымының жеребе тарту қорытындысы бойынша Қазақстан құрамасы Аустрия, Норвегия мен Словения командаларымен бірге үшінші топқа түскен болатын. Жақында Қазақстан құрамасының матчтарының кестесі (Астана уақыты бойынша) шықты.
06.09.2024 | 19:00
Қазақстан – Норвегия
09.09.2024 | 23:45
Словения – Қазақстан
10.10.2024 | 23:45
Аустрия – Қазақстан
13.10.2024 | 18:00
Қазақстан – Словения
14.11.2024 | 20:00
Қазақстан – Аустрия
17.11.2024 | 22:00
Норвегия – Қазақстан
Топ жеңімпазы бірден А лигасына шығады. А лигасының топтарында үшінші және В лигасының топтарында екінші орын алған командалар, сондай-ақ В лигасы топтарында үшінші орын және С лигасы топтарында екінші орын алған жеңімпаздар көтерілу үшін бір-бірімен үйде және сыртта плей-офф ойындарында кездеседі.
Ұлттық құраманың бас жаттықтырушы Магомед Адиевтің айтуынша, Қазақстан үшінші топта мықты қарсыластармен күш сынасады. Дегенмен ұлттық құрама бәсекенің қиын болатынына қарамастан әрбір ойынды жеңу үшін алаңға шығады.