Эльбрус тауында қазақстандық гид құтқарылды
Олар 5 мың метр биіктіктен түсе алмай қалған
![](https://halyq-uni.kz/cache/imagine/1200/uploads/news/2024/02/11/65c877cbbe240874959954.jpg)
Бұл туралы Кабардино-Балкария Республикасының Төтенше жағдайлар министрлігі хабарлады.
Ақпаратқа сай, ақпанның 10-ында түнгі 22:20 шамасында 2 адамнан тұратын тіркеуге тұрған топтың Эльбрус тауында 5 мың метр биіктіктен төмен түсу үшін көмек сұрағаны туралы хабарлама түскен. Құрамы 9 адам, 2 техникадан тұратын Эльбрус биіктаулы кәсіби құтқару жасағы сол жерге дереу жол тартқан.
23:34-тегі жағдай бойынша, Эльбрус тауындағы іздеу-құтқару шаралары аяқталды.
Альпинистер табылып, оларға 3 850 метрге дейін түсуге көмек көрсетілді. Одан әрі өздері көмектен бас тартқан.
ТАСС агенттігінің жазуынша, екі адамның бірі – қазақстандық гид, екіншісі – ресейлік альпинист.