2024 жылғы қаңтарда Ақтау порты арқылы шетелге 287 мың тонна мұнай тасымалданды, деп хабарлады «ҚазТрансОйл» АҚ.

Биыл қаңтарда Ақтау порты арқылы тасымалданған Қазақстан мұнайының экспорты 287 мың тоннаға жетті. Бұл – өткен жылдың сәйкес кезеңімен салыстырғанда, 76 мың тоннаға артық. Атап айтқанда, Ақтау портынан Баку портына мұнай тасымалдау көлемі 60 мың тоннаға өсіп, 116 мың тонна болды. Сондай-ақ Ақтау портынан Махачкала портына 171 мың тонна қазақстандық мұнай жөнелтілді. Бұл – былтырғы қаңтардағы көрсеткіштен 17 мың тоннаға артық,- деп жазылған хабарламада.

Айта кетейік, 2022 жылы президент Қасым-Жомарт Тоқаев Транскаспий дәлізі бойынша мұнай тасымалдау көлемін арттыруды тапсырған еді. Осыған байланысты «ҚазМұнайГаз» АҚ мен SOCAR (Әзербайжан) мұнай компаниясы Теңіз кен орнынан «Баку-Тбилиси-Джейхан» мұнай құбыры арқылы жылына 1,5 млн тонна мұнай тасымалдауға келісім жасады.