Алматы маңында 5,5 балдық жер сілкінісі болды
Магнитудасы 5.5 баллды құраған жер асты дүмпуінің тереңдігі – 10 шақырым
Жер сілкінісі кеше, 26 мамыр күні сағат 21.50 шамасында Алматы қаласынан солтүстік-шығысында тіркелді.
Бұл туралы Төтенше жағдайлар министрлігі «Сейсмологиялық тәжірибе-әдістеме экспедициясы» ЖШС сейсмикалық станциялар желісі мәлімдеді.
Зілзаланың энергетикалық класы 11.1. Магнитудасы 5.5 баллды құраған жер асты дүмпуінің тереңдігі – 10 шақырым. «МСК-64» шкаласы бойынша Алматыда жер сілкінісі 2-3 балл болып сезілді, – делінген хабарламада.
Жер асты дүмпуінің ошағы Алматыдан солтүстік-шығысқа қарай 71 шақырым жерде Қазақстан аумағында орналасқан.
