Абат Айымбетов ресми түрде Түркияның клубына ауысты
Қазақ футболшысы «Адана Демирспорда» ойнайды
![](https://halyq-uni.kz/cache/imagine/1200/uploads/news/2024/02/02/65bbea4613931604919214.jpg)
Қазақстандық футболшы Абат Айымбетов түркиялық «Адана Демирспор» клубына ауысты. Бұл туралы түркиялық клуб әлеуметтік желідегі парақшасында хабарлады.
Абат Айымбетов Адана Демирспор командасымен 1,5+1 нұсқасы бойынша келісімшарт жасасты.
Яғни Абат Түркияның командасында кемінде 1,5 жыл доп тебеді. Егер шабуылшының нәтижелері клуб басшылығының көңілінен шықса, келісімшартты тағы бір жылға созады.
Айта кетейік, Адана Демирспор» 2021/22 жылғы маусымнан бері Түркия суперлигасында ойын көрсетіп келеді. Түркия суперлигасының 23-турынан кейін команда 31 ұпаймен сегізінші орында келеді.