Түлектер мінген көліктер қала көшесінде қауіпті трюктер жасаған. Сонымен қатар, кадрларда мектеп бітірушілердің көліктің терезелерінен бастарын шығарып, айқайлап жүргенін байқауға болады. Сөйтіп, өзге жүргізушілердің мазасын алған. Осы тұрғыдағы видеолар Ақтау қаласының бірнеше жерінде түсірілген.

Куәгерлер жеңіл және жүрдек көліктердің жол ережесін өрескел бұзған сәтін түсіріп алған. Кадрларда көліктердің мемлекеттік нөмірі анық көрінеді. Қазіргі уақытта көлік терезесіне шығып, көк лента бұлғаған мектеп бітірушілерді полиция іздеп жатыр. Жол қозғалысына қауіп төндіргендер әкімшілік жауапқа тартылады дейді құқық қорғаушылар.

Білім және ғылым министрлігінің мәліметінше, биыл 170 мыңнан астам оқушы мектеп бітірді. Оның ішінде 8139 түлек «Алтын белгіге» үміткер.