Басты бет Жаңалықтар Шымкентте жер сілкінді: ТЖД тұрғындарды сақ болуға шақырды

Шымкентте жер сілкінді: ТЖД тұрғындарды сақ болуға шақырды

Дәурен Ерболат

Мұндай кезде үрейге бой алдыруға болмайды

Фото: Tengrinews.kz/ Тұрар Қазанғапов

Шымкент қаласында жер сілкінісі тіркелді. Бұл туралы қалалық ТЖД-ның ресми өкілі Шәріп Асқар айтты, деп хабарлады Halyq Uni тілшісі.

2024 жылы 11 қаңтарда сағат 15:20 шамасында Шымкент қаласы бойынша жерасты дүмпуі тіркелді. Оның эпицентрі – Алматы қаласының оңтүстік-батысында орналасқан 856 шақырым жердегі Ауғанстан территориясы, - деді Шәріп Асқар.

Шымкент қаласының ТЖД қала тұрғындары мен қонақтарын абыржымауға әрі сабыр сақтауға шақырды.

Мамандар жер сілкінген уақытта төмендегідей қарапайым 10 қағиданы есте сақтауға кеңес береді:

  • Тыныштық сақтаңыз, үрейге бой алдырмаңыз;
  • Жер сілкінісі кезінде лифтіні және баспалдақты пайдаланбаңыз;
  • Жиһаз, терезе және люстрадан ары тұрыңыз;
  • Жасырынатын жер тауып, басыңызды қолыңызбен жабыңыз.
  • Жер сілкінісі тоқтағанда ғимараттан шығуға тырысыңыз.
  • Алайда жер қайта сілкінуі мүмкін екенін естен шығармаңыз.
  • Үйіңізден шығар алдында газды, суды және электр қуатын өшіріңіз.
  • Тек ең қажет заттарды алыңыз.
  • Ғимарат, ағаш және электр желілерінен аулақ жүріңіз.
  • Қарттарға, балаларға және мүмкіндігі шектеулі жандарға көмек көрсетіңіз.