БАҚ пен әлеуметтік желіде Ұлттық қауіпсіздік комитетінің қызметкерлері Алматы халықаралық әуежайының вице-президенті – Әкімшілік департаменті басшысының орынбасары – түрік топ-менеджері Уфук Сертті есірткі ісі бойынша ұстағаны туралы хабар тарады, - деп хабарлайды Massaget.kz.

Алайда Алматы әуежайының баспасөз қызметі мұны жоққа шығарды.

«Уфук Серт ұсталған жоқ. Ақпарат шындыққа жанаспайды», - делінген хабарламада.

Әуежайдың баспасөз қызметі сонымен бірге қазіргі уақытта «Алматы халықаралық әуежайы» АҚ тергеу аясында уәкілетті органдармен бірлесіп жұмыс істеп жатқанын, тергеу аяқталғаннан кейін ақпарат беретінін хабарлады.

Сондай-ақ қызметтік тексеріс те жүргізіліп жатыр.