«Әдемі болып кеткен бе»: журналист 17 жыл құлдықта болған апалы-сіңлілі қыздарды сұлулық салонына апарды
Журналист мерекеде екі қыздың көңіл-күй көтеру үшін шашын әсемдеткен.
Фото: massaget.kz
Түркістан облысында 17 жыл бойы еңбек құлдығында болған апалы-сіңлілі қыздарды журналист Руслан Өтепбай мереке күндері сұлулық салонына апарды. Журналист әлеуметтік желіде осы сәттен видео жариялады.
Руслан Өтепбай мерекеде екі қыздың көңіл-күйін көтеру үшін шашын әсемдеткен.
«Мереке қарсаңында Назгүл мен Құндызды сұлулық салонына апарып, шаштарын әсемдеп, қалыпқа келтіріп қайттық. Қыздар әдемі болып кеткен бе?», - деп жазды ол.
Айта кетейік, бұған дейін 17 жыл құлдықта болған қыздардың аға-жеңгесіне қатысты қылмыстық іс қозғалғаны хабарланды.
