Жетісу облысының полицейлері тыйым салынған діни ұйым өкілінің үйінен есірткі тәркіледі, деп хабарлады Halyq Uni тілшісі.

Өңір полицейлері облыстық ҰҚКД қызметкерлерімен бірлесіп, Сарқан ауданының 45 жастағы тұрғынын ұстады. Ұсталған ауыл тұрғынының мекенжайы бойынша санкцияланған тінту өткізу кезінде полицейлер 13 қап марихуана тапты.

Біз ер адамның Қазақстан аумағында тыйым салынған діни ұйымның жақтаушысы екенін білеміз. Осыған байланысты, жедел іс-шаралар облыстық прокуратураның үйлестіруімен жүргізілді. Қазір есірткіні заңсыз сақтау фактісі бойынша қылмыстық іс қозғалды, – деп мәлімдеді Жетісу облысы ПД экстремизмге қарсы іс-қимыл басқармасы.