«Қазгидромет» РМК болжауынша, Алматы қаласында 9 желтоқсаннан бастап және осы айдың екінші және үшінші онкүндігінде ауа-райы бұзылады: жел күшейіп, -18 градусқа дейін күн суытып, қар жауады. Жолдар мен тротуарларда көктайғақ болуы ықтимал.

Осыған байланысты жүргізушілер өте мұқият болып, қауіпсіз қашықтықты, бүйірлік аралықты сақтауы, қолайсыз ауа райын ескере отырып, жылдамдықты асырмауы, шұғыл маневр жасамауы және көлікті күрт тежемеуі, жол ережесін қатаң орындауы қажет. Жаяу жүргіншілердің жолда қауіпсіз жүріс-тұрыс нормасын сақтауы маңызды.

Коммуналдық қызметтердің көктайғаққа қарсы жұмыстарды жедел және сапалы жүргізуін қамтамасыз ету мақсатында автокөлік иелерінен мүмкіндігінше қала бойынша қозғалысты шектеу, автокөлікті жол жиегіне қоймау сұралады.

Қысқы кезеңге дайындық мақсатында Алматы қаласының коммуналдық инфрақұрылымды дамыту басқармасы жұмысқа 818 техника мен 1 240 жұмысшыны тартты. Қар жауған кезде жолға көктайғаққа қарсы материалдар, жолдарды тазалау, қар үйінділерін алып тастау, автобус аялдамаларын, тротуарлар мен қоғамдық пайдалану орындарын қар мен мұздан уақтылы тазарту жұмыстары жүргізіледі.

Қалада көшені таза ұстау ШЖҚ «Алматы Тазалық» МКК қызметкерлерімен, сонымен бірге 9 мердігер ұйымның күшімен қамтамасыз етіледі. Аула аумақтарын жинау үшін 45 мердігер ұйым жұмылдырылады.

Арнайы техника төмендегідей бөлінеді.

«Алматы Тазалық» МКК – 619:

1. Алмалы ауданы – 120;
2. Әуезов ауданы – 62;
3. Бостандық ауданы – 116;
4. Жетісу ауданы – 87;
5. Медеу ауданы – 128;
6. Наурызбай ауданы – 39;
7. Түрксіб ауданы – 67.

Мердігерлік ұйымдар – 199 техника:

1. «Старвей Вэй СК» ЖШС (Алатау ауданы) – 18;
2. «Алтын Тазалық» ЖШС (Алатау ауданы) – 31;
3. «Қазақ Су Арнасы Жобасы» ЖШС (Алатау ауданы) – 22;
4. «Таза Әлем XXI» ЖШС (Әуезов ауданы) – 6;
5. «Хасен Тас Жол» ЖШС (Әуезов ауданы) – 8;
6. «Gaumer A-Stroy» ЖШС (Жетісу, Түрксіб аудандары) – 58;
7. «АБС ЛД-Строй» ЖШС (Жетісу ауданы) –12;
8. «Stamp Service» ЖШС (Наурызбай ауданы) – 31;
9. «Альянс Групп» ЖШС (Наурызбай ауданы) – 13.

Қазір көктайғаққа қарсы материалдар қажетті мөлшерде дайындалды – 26 мың тонна тұз, 50 мың тонна қоспа. Биыл жолдағы тайғанауды жою мақсатында 2022 жылы сәтті енгізілген boschungfullwet сұйық реагенттерін қолдану технологиясы қолданылады. Сұйық реагент дайындалатын тұзеріткіштер Алмалы (18 текше метр) және Медеу (100 текше метр) аудандарында орналасқан.

Кіру топтарын, баспалдақтар мен түсулерді, жаяу жүргіншілер жолдарын, көше жолдары мен тротуарларды жинау бойынша жұмыстар белгілі тәртіппен орындалатын болады. Әрі қарай, контейнерлік алаңдарға кіреберістер, өткелдер мен автотұрақтар, балалар және спорт алаңдары бар.

Алматыда жиналатын аумақтың жалпы көлемі – 25 млн шаршы метр, оның ішінде 2 698 шақырым көше, 1 мың 304 шақырым тротуар, 1 мың 167 шақырым арық, 3 мың 339 аула аумағы қамтылған.

Анықтама үшін: биыл «Алматы Тазалық» МКК-де 101 жаңа техника сатып алынды.

Оның ішінде: 

• DULEVO 6000 конвейерлік-вакуумдық жинау машинасы – 5;
• Pony Р-4 әмбебап тротуар-жинау машиналары (қыс-жаз жиынтықтары) дизель отынымен – 6;
• Pony Р-4 әмбебап тротуар-жинау машиналары (қыс-жаз жиынтықтары) электр тартқышы – 3;
• Pony Р-4 әмбебап тротуар-жинау машиналары (қыс-жаз жиынтықтары) электр тартқышы –3;
• 5 тоннаға дейін самосвал – 10;
• Қоқыс тасушы, V=3 текше метр – 5;
• FAW шассиіндегі аралас жол машинасы – 31;
• КАМАЗ – 3 шассиінде ПГМ ылғалдандыратын аралас жол машинасы;
• Маз 244 шассиіндегі аралас жол машинасы – 3;
• 10 тоннаға дейін манипулятор – 1;
• Тротуарлар мен жаяу жүргіншілер аймақтарын жинауға арналған трактор – 5;
• Қоқыс тасушы V= 20 текше метр – 4;
• Электр сыпырғыш-вакуумдық машина – 8;
• Өздігінен жүретін ұңғымаларға арналған жол фрезерлері – 10;
• Электр сыпырғыш-вакуумдық машина – 4.