«Қазақмыс» фабрикасында жұмысшы қаза тапты
Арнайы комиссия жазатайым оқиғаның мән-жайы мен себептерін анықтап жатыр
Фото: inbusiness.kz
«Қазақмыс» компаниясы 22 қарашада №2 Жезқазған байыту фабрикасында жазатайым оқиға болғанын хабарлады.
«Конвейер механизміне қысылу салдарынан 1980 жылғы конвейер машинисі жарақат алды. Жедел жәрдем қызметкерлері жарақат алушының қайтыс болғанын мәлімдеді», - делінген хабарламада.
Арнайы комиссия жазатайым оқиғаның мән-жайы мен себептерін анықтап жатыр.
«Қазақмыс» компаниясының басшылығы мен еңбек ұжымы марқұмның туыстары мен жақындарына қайғыра көңіл айтады.
