ҰҚК шекарадағы автокөлік кептелісі туралы мәлімдеме жасады, деп хабарлады Halyq Uni тілшісі.

ҰҚК Шекара қызметінің мәліметінше, қырғыз-қазақ шекарасында қырғыз жағынан «Ақ-тілек» (Қырғыз Республикасы) – «Қарасу» (Қазақстан Республикасы) өткізу пунктінде жүк көліктерінің кептелісі белгіленген.

Кептеліске жеміс-көкөніс өнімдерін және жалпы Қазақстан арқылы жүктерді транзиттік өткізуімен байланысты маусымдық жүк ағымының артуы негізгі себеп болған. «Қарасу» өткізу пунктінің кіруге өткізім мүмкіндігі – тәуілігіне 300 көлік (19 қарашада 283 көлік өткізілген), – делінген хабарламада.

Қалыптасқан жағдайдың есебінен Қырғыз Республикасының МҰҚК Шекара қызметімен тығыз өзара әрекеттестік ұйымдастырылды.