Мемлекет басшысының өкімімен Ермек Әшімханұлы Оспанов Қаржылық мониторинг агенттігі төрағасының бірінші орынбасары лауазымынан босатылды.

Еске сала кетейік, 2021 жылғы 28 қаңтарда Мемлекет басшысы Қазақстанда көлеңкелі экономикаға қарсы іс-қимылдың тиімділігін арттыру мақсатында Қаржылық мониторинг агенттігін құру туралы жарлыққа қол қойды. Сондай-ақ Президент жарлығымен Қаржылық мониторинг агенттігінің төрағасы болып Жанат Қалдыбекұлы Элиманов тағайынды.

Жаңа агенттікке Қаржы министрлігінің қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласындағы, сондай-ақ экономикалық және қаржылық қылмыстар мен құқық бұзушылықтардың алдын алу, оларды анықтау, жолын кесу, ашу және тергеп-тексеру бойынша функциялары мен өкілеттіктері берілді.

2021 жылдың 4 ақпанында Қаржылық мониторинг агенттігі төрағасының орынбасары болып Ермек Оспанов тағайындалды.