Шетелдік автокөліктерді заңдастыруға екі айдан аз уақыт қалды – ІІМ (ВИДЕО)
Елімізге 2022 жылдың 1 қыркүйегінен кейін әкелінген автокөліктер заңдастыруға жатпайды
![](https://halyq-uni.kz/cache/imagine/1200/uploads/news/2023/11/07/6549fb846b08c464967806.jpeg)
Мемлекет басшысының тапсырмасы бойынша Ішкі істер министрлігі биылғы 23 қаңтар-30 маусым аралығында елімізге 2022 жылдың 1 қыркүйегіне дейін әкелінген шетелдік автокөліктерді заңдастыруға өтінімдер қабылдады.
Елімізге 2022 жылдың 1 қыркүйегінен кейін әкелінген автокөліктер заңдастыруға жатпайды. Барлығы 237 мыңнан астам шетелдік автокөлік заңдастырылды. Бір реттік заңдастыруды ескере отырып, автокөлік иелеріне 2023 жылдың 1 шілдесіне дейін заңдастыруға берілген өтінімдер биыл 31 желтоқсанға дейін ғана қаралады, – деді ІІМ ӘПК басқарма бастығының орынбасары Алтынбек Жамалиев.
Оның айтуынша, бүгінде нормативтік құқықтық актілерге тиісті өзгерістер енгізіліп жатыр. Яғни, шетелдік автокөліктерді заңдастыруға 2 айдан аз уақыт қалды. Министрлік уақыттың шектеулі екенін ескере отырып, автокөлік иелеріне заңдастыру процесін аяқтауды және автокөлікті уақытында тіркеу керектігін ескертеді.