Есірткімен айналысқан 23 күдікті ұсталды – ҰҚК
Заңсыз айналымнан 300 келіге жуық есірткі мен психотроптық заттар тәркіленді
Фото: gov.kz / Ұлттық қауіпсіздік комитеті
Ұлттық қауіпсіздік комитеті синтетикалық есірткіні жасаумен және каннабис өсірумен айналысқан фитолабораторияны анықтады.
Одан басқа, Беларусь, Қырғызстан, Ресей және Өзбекстанның құзыретті органдарымен бірігіп, халықаралық есірткі трафигінің 6 жолы жойылды.
Арнайы операция кезінде 23 күдікті ұсталды, – деп хабарлады ҰҚК баспасөз қызметі.
Заңсыз айналымнан 300 келіге жуық есірткі мен психотроптық заттар, сондай-ақ «синтетика» жасауға арналған 1 тоннадан астам химиялық прекурсорлар тәркіленді.
