Германияның боксшысы Муса Ямак 38 жасында рингте көз жұмды.

Бұл туралы championat.com хабарлады.

Ол  угандалық боксшы Хамза Вандерамен кездесудің үшінші раунды басталар алдында рингте өзін жайсыз сезініп, есінен танып қалған. Сол кезде боксшы тез арада ауруханаға жеткізілген. Алайда, дәрігерлер оны құтқарып қала алмаған.

Кейін белгілі болғандай, боксшы жүрек талмасынан көз жұмған. Мюнхень полициясы қызметкерлерінің айтуынша, олар жедел жәрдем бригадасының қауіпсіздігін қамтамасыз ету үшін кездесу өтіп жатқан жерге бірнеше патруль жіберуге мәжбүр болған.

Ямак кәсіпқой бокста  2017 жылдан бастап өнер көрсеткен. Сол кезден бері ол 8 кездесу өткізіп, ешкімнен жеңілмеген.

Бұған дейін 19 жастағы иорданиялық боксшы Рашед Аль-Свайсат та Польшада өткен жастар арасындағы әлем чемпионатында  өзін жайсыз сезініп, ауруханаға түсіп қалған еді. Дәрігерлер оның өмірін де сақтап қала алмады.