Бұл жолы паратаэквондошы Камила Досмайылова 2-орын алды
Бүгін түс ауа Қытайдың Ханчжоу қаласында өтіп жатқан IV Параазиадада еліміздің тағы бірнеше спортшысы күміс және қола жүлдеге ие болды.
Бұл жолы паратаэквондошы Камила Досмайылова 2-орын алды. Ол финалда 44-57 келі салмақ дәрежесінде Иран спортшысы Роза Ибрахимиге жол берді.
Қола медальді парадзюдошылар Динара Куджулова, Бауыржан Арыстанбеков пен Даяна Федосова иеленді. Динара 70 келіге дейінгі салмақ дәрежесінде Өзбекстанның өкілі Мұхарраммхон Абдусаматованы жеңді.
Бауыржан Арыстанбеков J1 санаты бойынша 90 келі салмақ дәрежесінде Индонезиядан келген балуаннан басым түсті.
57 келі салмақта өнер көрсеткен Даяна Федосова (J2 санаты) Үндістан спортшысын жеңіп, 3-орын алды.