Турнирдің бас төрешісі – бильярдтан әлемнің екі дүркін чемпионы Ернар Чимбаев
25 қазан – Республика күніне орай «Elorda Aqparat» медиасеріктестігінің ұйымдастыруымен журналистер мен қаламгерлер арасында бильярд турнирі өтеді. Аталған сайыс биыл елордамызда екінші мәрте өткізіліп отыр.
Турнирдің мақсаты – Республика күні мерекесін ұлықтау, Елордадағы қаламгерлер мен журналистер арасында зиялы орта мен сұхбат алаңын қалыптастыру, бұқаралық спортты насихаттау.
Турнирге Төлен Әбдік, Қойшығара Салғараұлы бастаған елімізге белгілі ақын-жазушылар, Парламент депутаттары, журналистер, медиаменеджерлер, баспасөз хатшылары, т.б. қатысады.
Турнирдің өтетін күні: 25 қазан, 2023 жыл
Басталу уақыты: сағат 09:30
Өтетін орны: «Zodiak» ойын-сауық кешені, Қ.Мұңайтпасов көшесі, 3.
Жеңімпаздарға арналған негізгі жүлде қорынан бөлек биыл еліміз бойынша мерейтойлары аталып өтіп жатқан қазақтың қабырғалы қаламгерлері атындағы арнаулы сыйлықтар қарастырылған.
Сондай-ақ, үздік ойын көрсеткен қатысушылар «Мәдениетті ойыншы», «Алғашқы шар», «Мерген ойыншы», «Шебер ойыншы», «Үздік дуплет» аталымдарымен марапатталады.
Турнирдің бас төрешісі – бильярдтан әлемнің екі дүркін чемпионы Ернар Чимбаев.