Салық органдары 260-тан аса заңсыз хабарламаларды кері қайтарып алды
Бас көлік прокуратурасы талдау барысында салық органдарымен негізсіз хабарламаларды беру фактілерін анықтады, деп хабарлады Halyq Uni тілшісі.
Мысалы, фискалды орган кәсіпкерлік субъектілері тарапынан бұзушылықтардың шекті сомасын есепке алмай, ұсынымдық сипаттағы хаттардың орнына хабарламаларды жолдаған.
Басқа жағдайларда саудагерлер уәкілетті органнан бұзушылықтарды жою туралы хабарламаларды заңсыз алған, өйткені соңғысында камералдық бақылау рәсімін бастау негізінің өзі болмаған, – делінген прокуратура хабарламасында.
Салық органының заңсыз әрекеттері бизнесмендердің құқықтарына тікелей нұқсан келтіріп, оларды 336 млн теңгеден астам сомаға қосымша декларацияларды тапсыруға міндеттеді. Қадағалау органының ұсынысы бойынша кәсіпкерлердің атына жіберілген 268 хабарлама жойылған.
Мемлекеттік кірістер комитетінің бес лауазымды тұлғасы тәртіптік жауапкершілікке тартылды.