Тұтынушыларға 5,8 млн теңге шығын келтірілді
Солтүстік Қазақстан облысы Тимирязев ауданының Тимирязево ауылында талдау жүргізу кезінде суға жоғары тарифпен ақы алу фактісі анықталды, деп хабарлады Halyq Uni тілшісі.
Прокуратураның мәліметінше, табиғи монополиялар субъектісі «Табиғи монополиялар туралы» Заңның талаптарын бұза отырып, 2021 жылғы қыркүйектен 2022 жылғы тамызға дейін уақытша өтемдік тарифтің қолданылу кезеңінде тұрғындардан сумен жабдықтау қызметтері үшін 59,79 теңге/м3 орнына 88,45 теңге/м3 мөлшерінде ақы алған.
Халық үшін асып кетуі 28,66 теңге/м3 немесе бекітілген тарифтен 32% болды. Сол сияқты, жоғары тариф бойынша бұл қызметтер үшін төлем бизнес субъектілерінен, бюджеттік ұйымдардан және басқа тұтынушылардан алынды. Монополист заңсыз әрекеттерден 5,8 млн теңге сомасында пайда алды, – делінген прокуратура хабарламасында.
Аудандық қадағалау органының актісі бойынша облыстың табиғи монополияларды реттеу департаменті Әкімшілік құқық бұзушылық туралы Кодекстің 164-бабы бойынша халыққа су құнын текше метр үшін 59,79 теңгеге дейін, ал басқа тұтынушылар үшін текше метріне 524,34 теңгеге дейін төмендетіп, уақытша өтемдік тариф енгізе отырып, айыппұл түрінде әкімшілік жауапкершілікке тартты.
Монополист қаражатты өтеуді төмендетілген тарифті қолдану арқылы 2023 жылғы 1 желтоқсаннан 2026 жылғы 30 қарашаға дейін іске асыратын болады.