Digital Bridge-2023 Халықаралық технологиялық форумы аясында мемлекет басшысы Қасым-Жомарт Тоқаев, премьер-министр Әлихан Смайылов және Цифрлық даму, инновациялар және аэроғарыш өнеркәсібі министрі Бағдат Мусин робототехника, Social Tech, Creative Economy, AI, FinTech, Industry 4.0, GovTech, Creative Economy, Kaspi.kz и АРФР, Astana Hub т.б. көрме аумақтарында болды, деп хабарлады Halyq Uni тілшісі.

Робототехника аумағында робототехника бойынша Қазақстан құрамасы мүшелерінің, көптеген жарыстардың чемпиондарының Stem Robotics, Alem School, MakerSpace жобалары ұсынылған.

Көрме залына экскурсия барысында IT-қоғамдастық өкілдері өздерінің дайындаған өнімдерін көрсетіп, президентке цифрландыру министрлігі мен Astana hub жас стартаперлерді қалай қолдайтыны туралы айтып берді. Былтырғы Digital Bridge UVA, BEEP стартаптардың және басқа да ірі жобалардың даму сатысына айналды. Мысалы, UVU Shuttle IT-стартапы кептелістерді жеңілдетіп, қоғамдық көлік жүйесін IT-технологиялармен толықтыру арқылы тұрғындарға мектепке немесе жұмысқа қолжетімді және қауіпсіз жетуге көмектеседі. Жобада диспетчерлеу мен бағаны қалыптастыруды жасанды интеллект атқарады.

Battle-да жеңіске жеткеннен кейін екі жылдан соң Мадиярдың командасы 1,3 миллион доллардан астам жеке инвестиция тартты. Бүгінде жобаның 10 мыңнан астам тұрақты жолаушысы бар және бұл шешімді БАӘ мен Сауд Арабиясында іске асыруды бастап жатыр. Ал өткен жылы BEEP компаниясы Digital Bridge-ге қатысу кезінде қазақстандық инвесторлардан (My Ventures, Shanyraq Ventures) инвестициялар алды. Сондай-ақ Нью-Йорктегі WeInvest Global венчур билдермен серіктестік орнатты.

Бұған қоса мемлекет басшысына денсаулық сақтауды цифрландыру саласындағы жобалар таныстырылды. Мысалы, «ДАМУ» кәсіперлікті дамыту қоры» АҚ «Интернет порталы және Online Damu мобильді қосымшасы» жеке кәсіпкерлерге Қордың қызметтерін онлайн пайдалануға мүмкіндік береді. Сондай-ақ Денсаулық сақтау министрлігінің «QR арқылы дәрігердің қабылдауында қызметті растау» (еДенсаулық) жобаларын да атап өтуге болады.

Экскурсия барысында президентке Astana Hub жобалары, Google for Startups, Draper University, Techdda, Silkroad innovation hub, өңірлік it-Hub бағдарламаларын іске асыру барысы туралы айтылды. «Ұлттық Ақпараттық Технологиялар» АҚ AI негізінде консультациялар өткізу және мемлекеттік қызметтер көрсету бойынша «AiGov» чат бот жобасын таныстырды.

Содан кейін Қасым-Жомарт Тоқаев «QazaqGaz» ҰК» АҚ цифрлық шешімдерімен, ҚМГ-ның көлік қауіпсіздігін қамтамасыз ету және көлік пен арнайы техника жұмысына ашық мониторинг жүргізуге мүмкіндік беретін «Сапарларды басқару» жобасымен танысты.

Президент өз кезегінде елдегі цифрландыру тек бір саланы немесе қызмет саласын жетілдіруге ғана емес, сонымен қатар, экономика мен қоғамдық өмірдегі елеулі өзгерістерге де бағытталғанын атап өтті.

Соңғы жылдары мемлекеттің белсенді саясатының нәтижесінде IT саласына қызығушылықтың күрт өсуі және адами капиталдың даму динамикасы байқалады. Мысалы, жоғарғы оқу орындарындағы IT-факультеттердегі студенттердің саны артуда. 2022-2023 жылдары 53 061 азамат оқуын ІТ-мамандығы бойынша бітіріп шықты, бұл – ткен жылмен салыстырғанда 27,6% артық. TechOrda бағдарламасы аясында біз IT-кәсіпті игергісі келетін қазақстандықтар үшін ваучерлік жүйе бойынша алдыңғы қатарлы жекеменшік IT-мектептерде оқыту мүмкіндігін қарастырдық. Жоба аясында азаматтар өз өмірлерін, кәсіби бағыттарын өзгертуге мүмкіндік алады. Қазір бағдарлама бойынша 2 мың адам IT-мамандықты игеріп, 450 мың теңге жалақымен жұмысқа орналасу мүмкіндігіне ие болды. 83 IT-мектеп құрылып, 3 мың 273 IT-ваучер берілді, – деді министр.