Жыл басынан бері алаяқтықтан 36 мыңнан аса адам зардап шекті, деп хабарлады Halyq Uni тілшісі.

Бас прокуратураның Құқықтық статистика және арнайы есепке алу жөніндегі комитетінің мәліметінше, Қазақстанда 2023 жылғы 9 айдың қорытындысы бойынша алаяқтықтың төмендеуі байқалып отыр. Жалпы тіркелген қылмыстық құқықбұзушылықтардан алаяқтықтың үлесі – 30%.

Аймақ бойынша ең көп алаяқтық:

• Алматы қаласында (6 мың 742),
• Астана қаласында (5 мың 358),
• Қарағанды облысында (2 мың 590),
• Шымкент қаласында (1 мың 921),
• Алматы (1 мың 836),
• Ақтөбе (1 мың 334),
• Атырау (1 мың 319),
• Қостанай (1 мың 311),
• Павлодар (1 мың 244),
• Шығыс Қазақстан (1 мың 243) облыстарында тіркелген.

Алаяқтық әрекеттердің салдарынан 34 мың 623 адам зардап шекті, оның ішінде:

• ерлер – 15 мың 603,
• әйелдер – 19 мың 20.
• кәмелетке толмағандар – 102,
• мектеп, гимназия, лицей, колледж, жоғарғы оқу орындарында оқитындар – 291,
• зейнеткерлер – 1 мың 714,
• мүгедектер – 8.

Интернет-алаяқтық фактілері 1,5% төмендеді. Еліміз бойынша барлығы 15 мың 616 (15 848) осындай қылмыстық құқықбұзушылық тіркелген.

Ақша қаражатын қарызға алу арқылы алаяқтық 73% төмендеді. Барлығы 24 (89) факт кездескен. Төлем карталарын пайдалану арқылы жасалған алаяқтық фактілері бойынша да төмендеу байқалады. Барлығы 197 қылмыстық құқықбұзушылық тіркелді. Бұл өткен жылдың сәйкес кезеңімен салыстырғанда 13,2% аз. Жер құқықығы қатынастары саласында барлығы 3 факті тіркелген және оның барлығы Алматы облысында.