Стратегиялық жоспарлау және реформалар агенттігінің төрағасы тағайындалды, деп хабарлады Halyq Uni тілшісі.

Мемлекет басшысының Жарлығымен Жандос Нұрланұлы Шаймарданов Қазақстан Республикасының Стратегиялық жоспарлау және реформалар агенттігінің төрағасы болып тағайындалды. Ол бұрынғы атқарған лауазымынан босатылды, – делінген Ақорда хабарламасында.

Жандос Шаймарданов 1987 жылы 24 ақпанда Шығыс Қазақстан облысында туған. 2009 жылы «Болашақ» стипендиясы бойынша Ұлыбританиядағы Йорк университетін «Экономика және қаржы» мамандығы бойынша бітірген. 2020 жылы Испаниядағы IE университетінде Бизнес-талдау және Big Data магистрі дәрежесін алған.

Еңбек жолын 2009 жылы ҚР Экономика және жоспарлау министрлігінде бас сарапшы қызметінен бастаған.

2010-2013 – «Самұрық-Қазына» АҚ менеджері

2013-2014 – ҚР Экономика және бюджеттік жоспарлау министрінің кеңесшісі

2014-2016 – ҚР Ұлттық экономика министрлігі Стратегиялық жоспарлау және талдау департаментінің директоры

2016-2019 – «Бәйтерек» ҰБХ»  АҚ департамент директоры, басқарушы директоры

2019-2020 – «QazTech Ventures» АҚ Басқарма төрағасы

2020-2022 – ҚР Ұлттық Банкінің ақша-кредит саясаты департаментінің директоры

2022 жылғы 24 ақпаннан бастап  бүгінге дейін Қазақстан Республикасы Стратегиялық жоспарлау және реформалар агенттігінің Ұлттық статистика бюросының басшысы болды.

Президенттік Жастар кадр резервінің мүшесі.