Қазақстанда бір жылда жұмыс іздеушілердің саны артқан, деп хабарлады hh.kz.

Биыл тамызда еліміз бойынша 240 мыңнан аса адам аталған сайттан жұмыс іздеген. Бұл – өткен жылдың сәйкес кезеңімен салыстырғанда, 227% көп. Ал осы жылдың шілдесіндегі көрсеткіштен 12% аз.

Тамызда жұмыс іздеушілер белсенділігінің төмендеуі студенттер мен оқушылар арасында жұмыс іздеу маусымының аяқталуымен байланысты, - деп жазылған хабарламада.

Тамызда мына мамандықтар бойынша жұмыс іздегендердің қатары көп болған:

• Оқытушы
• Мұғалім
• Сату жөніндегі менеджер
• Тұтынушылармен жұмыс жөніндегі менеджер
• Сатушы-кеңесші
• Сатушы-кассир
• Жүргізуші
• Әкімші
• Бухгалтер
• Инженер-конструктор
• Инженер-жобалаушы
• Бағдарламашы
• Сатып алу жөніндегі менеджер
• Даяшы
• Бармен
• Бариста

Айта кетейік, өткен айда бір бос жұмыс орнына бәсеке төмендеп, көрсеткіш 4,5 болды. Бұл бір бос жұмыс орнына 4-5 адамның үміткер болғанын көрсетеді.