×

Түркістан облысында дәретхана шұңқырына құлап кеткен 1 жастағы бала құтқарылды (ВИДЕО)

Құтқарушылар баланы тереңдігі 4 метрлік дәретхана шұңқырынан аман алып шыққан

 Динара Амантай 12.05.2022 | 18:00
Коллаж: Halyq Uni

Түркістан облысы ТЖД баспасөз қызметінің мәліметінше, 2022 жылдың 12 мамырында «112» қызметіне Түркістан облысы, Қазығұрт ауданы, Қазығұрт елді мекеніндегі үйлердің бірінде тереңдігі 4 метрлік дәретхана шұңқырына 2021 жылғы туылған бала құлап кеткені туралы хабарлама түсті.

Авариялық-құтқару жұмыстарына Түркістан облысы ТЖД-ның 5 құтқарушысы, медициналық жедел жәрдем қызметінің 3 қызметкері және полиция департаментінің 2 қызметкері жұмылдырылды, – деп мәлімдеді Түркістан облысы ТЖД баспасөз қызметі.

Құтқарушылар сағат 15:03-те шұңқырға құлап кеткен баланы құтқару арқанының көмегімен шығарып, жедел жәрдем қызметкерлеріне тапсырды. Бала дәрігердің тексеруінен кейін үйіне жіберілді.

Қазіргі уақытта баланың жағдайы тұрақты.

Серіктес жаңалықтары

Сараптама