Прокуратура 900-ден аса адамның құқығын қорғады
Жылыой ауданының прокуратурасы аудан аумағында жұмысшылардың еңбек құқығын бұзу фактілерін анықтады, деп хабарлады Halyq Uni тілшісі.
«Батыс Тех Инвест» ЖШС-нің жұмысшыларына еңбекақыларын төлемеу, сондай-ақ «ЖылыойСу» МКК-мен Теңіз кен орнында «ИнтерТаско» ЖШС-нің жұмысшыларға зейнетақы және әлеуметтік аударымдарының жүргізілмеу жағдайлары анықталды, – делінген прокуратура хабарламасында.
Прокурорлық қадағалау актілері негізінде 180 жұмысшының 32 млн теңге көлеміндегі еңбекақылары және 744 жұмысшының 48 млн теңге көлеміндегі зейнетақы және әлеуметтік аударымдары өндірілді.