Қарағандылық полицейлер жол учаскесін дрон арқылы патрульдеуге кірісті, деп хабарлады «Хабар 24» телеарнасы.

Құрылғы жол апаты көп болатын Алматы-Екатеринбург тасжолындағы қауіпсіздікті қадағалайды. Қазір полиция департаментінде осындай 3 ұшу аппараты бар. Олар кез келген көліктің нөмірін 200 метр қашықтан айқын түсіре алады.

Жалпы, облыста жыл басынан бері жол көлік оқиғасынан 81 адам қаза тапқан. Бір көліктегі 5, тіпті 9 адам қаза тапқан жантүршігерлік апаттар да осы жолда тіркелді.

Жаз кезінде Алматы-Екатеринбург республикалық маңызы бар жолында ЖКО жиі болып отыр. Осыған байланысты ПД шешімімен патрульдік полиция нарядының саны 10-нан 32-ге дейін ұлғайды. Дрон құрылғысы арқылы жолдың қарсы бағытына шыққан жүргізушілерді анықтап, әкімшілік хаттама толтырамыз. Күніне 1 учаскеден 10-15 құқықбұзушылық осы дрон арқылы анықталады, - деді қалалық ПД патрульдік полиция батальонының командирі Бекзат Сәулембаев,