«Футбол жолы» спорт фестивалі ЭКСПО алаңында өтеді
«Футбол жолы» спорт фестивалі ЭКСПО алаңында өтеді, деп хабарлайды Астана әкімдігінің ресми сайты.
Спорт фестивалі 10 қыркүйекте сағат 14.00-ден 22.00-ге дейін өтеді.
Іс-шара аясында ЭКСПО алдындағы алаңның жазғы сахнасында Қазақстан мен Солтүстік Ирландия құрамалары арасындағы Еуро-2024 іріктеу кезеңінің тікелей көрсетілімі өтеді.
Сондай-ақ жиналғандардың алдында M'Dee өнер көрсетеді.
Естеріңізге сала кетейік, Қазақстан мен Солтүстік Ирландия матчы «Астана Арена» стадионында өтеді.
Жанкүйерлерге ыңғайлы болу үшін стадионға арнайы автобустар қатынайды.
Ойын 19.00-де басталады.
Матчқа байланысты жолдардың бір бөлігі жабылады, сол себепті жанкүйер қауым ертерек шығып, қозғалыс бағытын алдын ала жоспарлауы қажет.