Теннисші Анна Данилина аралас жұпта АҚШ ашық чемпионатының финалына шықты.

Ол финляндиялық Харри Хелиоваарамен бірге жартылай финалда жапон теннисшісі Ена Шибахара мен хорват спортшысы Мате Павич жұбымен кездесіп, қарсыластарын 7:6 (7:2), 6:4 есебімен ұтты.

Бұл матч бір жарым сағатқа созылды. Кездесуде қазақстандық жұп 4 эйспен бірге 9 брейк-пойнттың үшеуін пайдаланды. Қарсылас дуэт 3 эйс, 2 брейкпен (6 брейк-пойнт) шектелді.

Енді Данилина мен Хелиоваара финалда америкалық Джессика Пегула – Остин Крайчек жұбымен бас жүлдені сарапқа салады. Соңғы ойын 9 қыркүйекке белгіленген.

Сондай-ақ теннисші Денис Евсеев Түркияның Ыстанбұл қаласында өтіп жатқан жарыстың ширек финалына шықса, Тимофей Скатов Испанияның Севилья қаласында челленджер турнирінде Михаил Кукушкинді ұтып, ¼ финалға жолдама алды.

Жібек Құламбаева Италиядағы турнирдің ширек финалына шықты.