Павлодар облысында әйел екі баласымен бірге қайғылы жағдайда қаза тапты
Ертіс өзенінен құтқарушылар 1980 жылы туған ананың, сондай-ақ оның 6 және 9 жастағы екі баласының денесін алып шықты
Фото: liter.kz
Әйел басқарған жеңіл көлік ішінде екі баламен бірге Ертіске батып кетті, көліктегілердің барлығы мерт болды, деп хабарлайды Павлодар облыстық Төтенше жағдайлар департаментінің баспасөз қызметі.
«25 тамыз күні сағат 22:53-те Павлодарское ауылында Ертіс өзенінен құтқарушылар 1980 жылы туған ананың, сондай-ақ оның 6 және 9 жастағы екі баласының денесін алып шықты. Олар отырған жеңіл көлік 21:40-та өзенге түсіп кеткен», - делінген хабарламада.
Оқиға орнында 5 адам және 2 техника жұмыс істеді.
