Төтенше жағдайлар министрі Сырым Шәріпхановтың төрағалығымен «Қазақстан» шахтасында болған апатты оқиғаны жөніндегі ккіметтік комиссияның кеңесі өтті.

Кеңес барысында төтенше жағдайды жою жетекшісі – «КӘАҚҚ» РОШ орынбасары Г. Ю. Силинскийді тыңдады. Ол өрт ошақтарын сөндіру барысы, шатыр бекіткіштерінің ішінара құлағаны және апат болған учаскедегі жоғары температура, өрт ошақтарын тежеу, су перделерін орнату бойынша жұмыстар жүргізілгені туралы баяндады. Сонымен қатар, гипстен бөгеттер салу бойынша жұмыс туралы баяндады (бір жерде бөгет 95%, ал үш жерде 80% аяқталды). Бөгеттерді салу бойынша жұмыстарды 1 қыркүйекке дейін аяқтау жоспарлануда, бірақ бәрі жағдайға байланысты болады.

Одан бөлек, шахтадағы өрт себебін тергеу жөніндегі кіші комиссияның есебі тыңдалды.

Сырым Шәріпханов тартылған сарапшыларды қажетті материалдармен, жобалау-техникалық құжаттамамен қамтамасыз етуді және олардың тиімді жұмыс істеуі үшін жағдай жасауды тапсырды. Сонымен қатар, өзін-өзі құтқаратын кеншілерді қарау және тексеру қажеттігі туралы айтылды.

Барлық комиссия мүшелерінің алдына барлық техникалық және басқа да себептерді объективті анықтау бойынша міндеттер қойылды.

Шахтада өрт ошақтарын сөндіру және авариялық учаскеде гипс бөгеттерін салу жұмыстары жалғасып жатыр. Газ жағдайы үнемі бақылауда. Жұмыс орындарында температура көрсеткіштері нашарлаған жоқ.