Ел аман, жұрт тынышта Атырау облысының Исатай ауданында 11 адам жоғалып кетті. Бұл туралы Облыстық төтенше жағдайлар департаменті хабарлады. 

Жоғалған адамдарды іздестіру жұмыстарына облыстық төтенше жағдайлар департаментінің 4 қызметкері мен жол талғамайтын «ТРЭКОЛ» техникасы жұмылдырылды. Іздестіру іс-шарасына Исатай аудандық полиция бөлімінің 1 қызметкері шықты.

«Бүгін, 9 мамырда сағат 10:50-де Исатай ауданында бір күн бұрын хабар-ошарсыз кеткен 11 адамды іздестіру қайта жалғасты. «УАЗ» маркалы автокөлігінің жүргізушісі мен 10 жолаушы 8 мамыр күні сағат 14:00-де «Ақмандай» учаскесіне бару үшін жолға шыққан. Бұл учаске аудан орталығы – Аққыстау ауылынан 160 шақырым қашықта орналасқан. Алайда, жолға шыққан адамдар осы уақытқа дейін Аққыстау ауылына оралмағаны анықталды», - делінген хабарламада.