Ол екі ел арасындағы табысты саяси диалогқа негізделген серіктестікке жоғары баға берді
Мемлекет басшысы Сингапур президенті Халима Якобқа құттықтау жеделхатын жолдады, деп хабарлады Halyq Uni тілшісі.
Мемлекет басшысы Қасым-Жомарт Тоқаев президент Халима Якобты Сингапур Республикасының Ұлттық күнімен құттықтады. Президент екі ел арасындағы шынайы достық пен табысты саяси диалогқа негізделген серіктестікке жоғары баға берді.
Қасым-Жомарт Тоқаев биыл мамыр айында өткен екіжақты келіссөздер барысында қол жеткізілген уағдаластықтар Қазақстан мен Сингапур арасындағы стратегиялық байланыстарды дамыту үшін берік негіз болатынына сенім білдірді.
Айта кетсек, Сингапурдың Ұлттық күні – жыл сайын 9 тамызда атап өтілетін мемлекеттік мереке. Бұл күн Сингапурдың 1965 жылы Малайзиядан тәуелсіздігін алуына орай тойланады.