Пәкістанның бұрынғы премьер-министрі сотталды
Имран Хан сыбайлас жемқорлық ісі бойынша 3 жылға бас бостандығынан айырылды
Фото: ашық дереккөз
Пәкістанның бұрынғы премьер-министрі, оппозициялық «Әділет қозғалысы» партиясының төрағасы Имран Хан сыбайлас жемқорлық ісі бойынша 3 жылға сотталды.
Thenews порталының хабарлауынша, ол жемқорлық үшін кінәлі деп танылды. Экс-премьер мемлекет қазынасындағы 635 мың АҚШ доллары болатын құндылықтарды сатқан деп айыпталған.
Сондай-ақ сот оны 100 мың рупий айыппұл төлеуге үкім шығарған. Сот үкімінен кейін көп ұзамай Хан Лахорда тұтқындалды.
Бұрынғы премьер-министрдің қамауға алынғанын Әділет қозғалысының бас хатшысы Умар Айюб Хан да растады.
