Универсиада-2023: ел қоржыны күміс жүлдемен толықты
Қазақстан құрамасының еншісінде бір алтын, жеті күміс және сегіз қола жүлде бар
Фото: sports.kz
Қытайдың Чэнду қаласында өтіп жатқан ХХХІ Жазғы Дүниежүзілік ойындарда Қазақстан құрамасының қоржыны күміс медальмен толықты, деп хабарлады Halyq Uni тілшісі.
Спорттық гимнастикадан жарыс жолына шыққан Нариман Құрбанов гимнастикалық ат үстіндегі жаттығуда 15.266 ұпай жинап, күміс жүлдегер атанды.
Еркін жаттығуға қатысқан тағы бір қазақстандық спортшы Дмитрий Патанин 13.566 ұпай жинап, бесінші орынға ие болды.
Қазақстан құрамасының еншісінде бір алтын, жеті күміс және сегіз қола жүлде бар.
