×

Бюджет қаражатын жымқырған Павлодардағы ҚТЖ қызметкерлеріне сот үкімі шықты

Үш адам кінәлі деп табылып, тиісті жазаға тартылды

 Қымбат Елтайқызы 04.05.2022 | 17:55
көрнекі фото: railways.kz

«Қазақстан темір жолы» ҰК Павлодар облыстық сигнализация және байланыс бөлімшесінің бастығы бюджет қаржысын жымқырды деген күдікке ілінді. Бұл туралы Қаржылық мониторинг агенттігінің баспасөз қызметінен хабарланды.

Агенттік қызметкерлері ҚТЖ-ның Павлодар облыстық сигнализация және байланыс бөлімшесінің бастығы С.Түсіповтің қызметтік уәкілдігін асыра пайдаланғанын және бюджет ақшасын жымқыру фактісін анықтады.

С.И.Түсіпов С.М. Иманбек және Т.М.Сәрсембиновпен бірге 2016 – 2021 жылдар аралығында қызметтік уәкілдігін асыра пайдаланып, қызметкерлерден жүйелі негізде ақшалай қаражат жинап отырған.

Сондай-ақ сотталушы автоматты телефон стансасын жөндеуге шарт жасасып, оны орындамаған. С.И.Түсіпов атқарылған жұмыс актісіне қол қойғаны үшін ақшалай сыйақы алған.

Павлодар қалалық соты азамат С.И.Түсіпов, С.М. Иманбек және Т.М.Сәрсембиновті кінәлі деп танып, тиісті жазаға тартты.

Серіктес жаңалықтары

Сараптама