Жаңа заңға РФ президенті Владимир Путин қол қойды
Ресейде 1 қазаннан бастап әскери комиссариатқа шақырғанда келмеген адамдар айыппұлды 10 есе көп төлейді. Тиісті заңға РФ президенті Владимир Путин қол қойды.
Жаңа заң бойынша, айыппұл 10 мыңнан 30 мың рубльге көбейеді. Қазіргі айыппұл 500 рубльден 3 мың рубльге дейін. Сонымен бірге халықты әскерге жұмылдыру кезінде әскери комиссариаттарға көмектесуден бас тартқандарға 500 мың рубль көлемінде айыппұл салынады. Одан басқа әскери комиссариатқа отбасылық жағдай, жұмыс орны мен білімі туралы теріс ақпарат берген адам 5 мың рубль айыппұл төлейтін болады.
Жаңа заң 1 қазаннан бастап, яғни күзгі әскери шақырылым басталған уақытта күшіне енеді.