Пәкістанда лаңкес 88 адамның өмірін қиды
Қаза тапқандар мен зардап шеккендердің саны көбеюі мүмкін
фото: ашық дереккөз
Пәкістанда жарылыстан 88 адам қаза тапты. Жараланғандар саны 200-ге жуықтаған.
Жарылғыш затты жанкешті-лаңкес іске қосқан. Шабуыл исламдық партияның сайлауалды митингі кезінде болды.
Ол шараға негізінен 500-дей адам жиналған. Қауіпсіздік күштері қаза тапқандар мен зардап шеккендердің саны көбеюі мүмкін екенін ескертіп отыр.
Оқиға болған жер қоршауға алынды. Шабуылды әзірге ешқандай топ мойнына алған жоқ.
