Бүгін сағат 12:23-те Тараз қаласындағы бес қабатты тұрғын үйлердің бірінен өрт шықты. Жамбыл облысы төтенше жағдайлар департаментінің қызметкерлері оқиға орнына жетіп, баспалдақ арқылы 50 адамды, оның ішінде 20 баланы құтқарды. Одан кейін тағы екі адамды ажалдан аман алып қалды. Оның біреуі бала болды.

Өрттен аман қалған азаматтарға медицина орталығы филиалының дәрігерлері мен психологтары тұрғын үй тұрғындарына симтомикалық және психологиялық көмек көрсетті, – делінген ТЖМ хабарламасында.

Өрт сағат 12:44-те оқшауланып, 3 минуттан кейін сөндірілді.

Тілсіз жау 30 шаршы метрді алып кетті. Өрттің себебі анықталып жатыр.

Өртті сөндіруге Жамбыл облысы төтенше жағдайлар департаментінің 33 қызметкері мен 7 техникасы жұмылдырылды.